Tuesday, May 29, 2007

من المحكوم إلي النطرون




السلام عليكم
سوف أبدأ هذه التدوبنة أبيات شعر ظللت ابحث عنها منذ اعتقال الوالد ألي أن وجدتها في أحدي الأوراق لدي
دع الأيام تفعل ما تشاء
وطب نفسا إذا حكم القضاء
ولا تجزع لحادثة الليالي
فما لحوادث الليل انتهاء
ألطف تعليق سمعته بعد خبر نقل الوالد لسجن النطرون

إيه يا محمد انت يعني فاكرهم هيدوا والدك جائزة الدولة التشجيعية يابني فوق مصر من أيام الفرعنة وهي دولة مابتفهمش مش سجنوا سيدنا يوسف وطردوا سيدنا موسي انت عايزهم يكرموا والدك ولا أي أخ من اللي معاه يا بني أحنا عايشين في مصر و أنشد قائلا عظيمة يااااااااااا مصر يا أرض اللواء وزيرك ده سكر
وطبعا انت عارف ارض اللواء في المهندسين تركب لها من الجيزة ميت عقبة لوا قلت له سلامة دماغك قال ان دماغه نار وولعة قالي مين سي لوا لوا مين يا عم أنا أخوك محمد جمال لموأخذة يا والدي اصل عندي مخبر ساعة يروح و ساعة يجي


نقطة نظام و حبة جد
لما ذهب والدي لسجن المحكوم لم أكن أعلم من الأخوان المعتقلين إلا م/عمر عبدالله والد أخويا أحمد جمال عبد الله

ود/ عمرو حوويشي د/ علاء محرم و الحاج جمال العشري والد أخويا أسامة و لكن بعد الزيارات عرفت ا/ أحمد داله ا/ عكاشة عباد ا/ رضا فهمي د/ محمد عبد العال د/ سالم وممكن لو عايز أقول لك أسماء طلاب معهد شبرا و أسماء 45 أخ اللي كانوا في معتقل المحكوم لكن لما راح والدي سجن النطرون تعرفت علي أخوان الإسكندرية تعرفت علي تلاميذ الحاج عباس السيسي و أبناء الشيخ وجدي غنيم وأخوان د/ إبراهيم الزعفراني و منهم علي سبيل المثال فقط د/ مسعود توكل و ا/ حسام رفعت و ا/ ياسر رشدي ا/ محمد عامر كذلك أخوان المنصورة أخوان بجد و أخوان الشرقية وقتها شعرت بقيمة ورد الرابطة الذي يجمعنا كلنا في المساء شعرت بعناق القلوب رغم عدم سابق معرفة تحرك قلبي عند رؤية هؤلاء الأخوان
بس و للأمانة أسوء حاجة في سجن النطرون أني حرمت من عمي عمر عبدالله و بالتالي من أخويا أحمد عمر عبد الله طبعا ألتقي به في المقر الدائم لنا في الجمعة بس برده في السجن الرؤية ليها طعم ثاني و ربنا يفك أسر والدي وعمي وعمامي كلهم و حسبنا الله ونعم الوكيل .

رســائل
ألي أبي و إخوانه ( واصبروا وصابرو ورابطوا واتقوا الله لعلكم تفلحون) وأكيد بكره أفضل من النهاردة
عندما أري أبناء الإخوان وهم يدافعون عن قضية آبائهم لا أقصد الأبناء من جيلي بل الأبناء من أطفال من أجل الحرية مثلا أنس مالك معاذ شوشة عائشة مالك أحمد ضياء فرحات أقول كيف صور الشيطان لهذا النظام أن اعتقال ألآلاف من الأخوان قد ينهي علي هذة الجماعة كيف؟!
لذلك رسالتي للنظام أجمع كل جنودك و قواتك ولنري لمن الغلبة فنحن لنا ماضيا من 1928 بل ماضي ضارب في عمق التاريخ قبل أكثر من 1400 سنة و لنا الحاضر في آبائنا وشبابنا ولنا المستقبل في الأبناء و الأحفاد و أنت ليس لك ماضي غير ماضي مليء بالفساد والإفساد حاضر مشوه ذليل ومستقبل غير واضح ملئ بالضباب
التدوينة بدأت بحوار إذا لابد من أن تنتهي بحوار بس ده والله بجد و حصل
المكان سجن المحكوم التاريخ 17/5 /2007 تسجيل الأسماء للزيارة
العسكري المسول عن تسجيل الأسماء : اسم المتهم ونوع التهمة
أنا : جمال عبد السلام إخوان
واحدة واقفة عايزة تزور جنائي : هو تبع السنية
أنا في حزم :لأيا حاجة أسمهم إخوان مش سنية
هي : أيوه يعني من بتوع ربنا
أنا ضاحكا : أيوه من بتوع ربنا
هي : ربنا يفك كربهم و سجنهم
أنا : كربهم وكرب كل المساجين
هي غاضبة جدا : لأ جوزي و اللي معاه مذنبين ولاد .... لكن أبوك واللي معاه ناس زى الفل ربنا يشل أيد الظلمة و ينتقم من الظلم أبوك و جابه هنا
و جدت ناس أكثر من اللي كانوا موجودين في المكان تجمعوا علي صياح هذه المراة و قالوا وطبعا قلت معهم أمينمبروك
مبروك للإخوان واحدة مؤيدة للإخوان وتدافع عنهم أعتقد لو أشتغلنا في مرحلة المجتمع 10 سنين لن نصل لمثل هذه الفئةالمهمشة في المجتمع
للنظام الفاشل واحدة من الناس اللي انتوا يتقولوا عنهم معدومي الدخل و تجبوهم في الانتخابات بوجبة و10 جنية صارت بتدعم الاخوان أستعد لمعركة سياسية في البرلمان و قضائية في المحاكم و في الرهان الأكبر الشارع وعامة الشعب
حسبنا الله و نعم الوكيل

7 comments:

الفجرية said...

لكن أبوك واللي معاه ناس زى الفل ربنا يشل أيد الظلمة و ينتقم من الظلم أبوك و جابه هنا
و جدت ناس أكثر من اللي كانوا موجودين في المكان تجمعوا علي صياح هذه المراة و قالوا وطبعا قلت معهم أمين

والله فعلا تجارب مظنش تتعاش غير هناك
وشخصيات مظنش بردو كان ممكن نحتك بها بهذا الشكل غير فى تلك الظروف

ربنا يعينكم على المشوار ويكون فى ميزان حسناتكم..واظن اخ واحد ممن ذكرت اسمهم اخى الكريم او من اخوانهم تكفى رؤيتهم لادخال السرور للقلوب
جمعكم الله دوما على الخير
بس مش شرط هناك

Omar Abdalla said...

من المحكوم للنطرون يا قلبي لا تحزن
بل إفرح و إتنطط و زقطط كمان

المكزم دا مكان غير مخصص للإستعمال الأدمي
و يقطنه الناس المعديييييييييين بالأوي

فلازم نفرح و مزغرط كمان
أنا عارف المشوااااااااار محترم أوي جامد يعني
بس السكه هتتعود عليها ما تقلقش إلي خلاني أروح 6 أكتوبر و أجي كل يوم بقالي 5 سنييين ... يخليكوا تروحوا الرست و ترجعوا مره كل أسبوع بس إيييه يا حماده كل ده و العداد الحسناااااااات شغال مع عدااد الكيلومترات

المهم الناس الي جوه عايشه إزاي

أصلهم هما المتضررين في المقام الأول و الأخير و إحنا في الدرجه التانيه

أبونا بقي
حد قالك تكون إبن راجل محترم بيحب البلد دي ؟؟

!! أشرب بقي

و علي العموم القعده مش هتطول إن شاء الله
هيخرجوا قريب و قريب جداً إن شاء الله

و يا حماده إحنا بنكرر شكرنا و تقديرنا لجهاز نهب الدوله بالعمل الجلييل و الرائع الي قاموا به بإعتقال الرجاله بتعوتنا مع بعضيهم .. علشان يربطوا الجيل التاني ببعضه و التالت إن شاء الله

فلا يهم المكان ... المهم العهد و الرباط الاخوي
- دا زي الرباط المقدس بتاع إخواننا الأقباط-

مهما يبعدنا المكان
....
في القلوب العهد باقي

أحمد جمـــــــــــــــــال عبد الله

omar مشروع بطل said...

فعلا من المحكوم للنطرون يا قلبى لا تزعل

انا دايما بقول حكاية ان مصر حبست سيدنا يوسف وطردت سيدنا موسى و ابو حنيفة مات فى السجن ... مصر مش بتسيب حد كويس (بسم الله ما شاء الله)

حكاية الست اللى دعتلك على الباب دى فكرتنى بالاستاذ وجدى غنيم بيقول علشان يعذبوه و ينغصوا عليه حبسوه مع واحد قتال قتلا يعنى محكوم عليه
اعدام و مضروبة مضروبة .. فالراجل القاتل ده بقى يقبل ايد الشيخ وجدى و يقولى أأمرنى لو عايزنى اموتلكالظابط ده انا كده كده ميت .. انا اعمل اللى انت عايزه

اصلا الناس خلاص بقت 2/3 عارفة ان الاخوان أحسن ناس و أكتر من 3/4 مقتنع ان الاسلام هو الحل

أخيرا انا بقول أمين زى ما الناس قالت ورا الست
آآآآآآآآآآآآآآآآآآآآمين يارب

Eng.Mostafa Masoud said...

شعرت بالفخر عند رؤية أعمال الدكتور جمال , وتأكد يا عمر أن ذلك لن يذهب هباءاً فإن الجبار الملك العادل لن يرضى بالظلم , فاللهم عوضهم خيرا فى أولادهم وأهلهم وأموالهم واجعل ذلك في ميزان حسناتهم ,واللهم اقسم ظهر كل ظالم حبس نفسا دون وجهه حق

Anonymous said...

يقول تعالي ( والعاقبة للمتقين)0
بعد سجن سيدنا يوسف اصيح وزير مالية مصر اوعزيز مصر0
بعد مطاردة فرعون واتباعه لسيدنا موسي (عليه وعلي نبينا افضل الصلاة والتسليم)0 اغرقه الله في اليم0
وصدقني يا اخي الدولة تالقادمة ستكون للاسلام اننا مثل المارد النائم الذي اذا استيقظ لم يقف في وجهه احد فلنعمل جميعا علي ايقاظ هذا المارد0

بن توفيق said...

مش عارف اقول ايه

انا بقولك اللى فى نفسى لما بنبقى مع بعض

وانت عارف اللى فيها بقى

ربنا يفك اسره واسرهم يا رب

Anonymous said...

السلام عليكم
عمو جمال بجد وحشني جدا حسبنا الله و نعم الوكيل. اللهم فك قيد أسري المسلمين و اهلك الظالمين.