Thursday, June 7, 2007

وكالة أبشروا لأخبار المعتقلين


عاوز أكشف لأمن الدولة سر قوة الاخوان
وأنا عارف انكوا عرفيه

الحب في الله والإخوة الجامدة اوووووووووي

الفترة اللي فاتت كام أخ كلمني إنهم شافوا رؤية لوالدي ان خرج

أول أخ قالي الدكتور واحشني جدا وكان علي بالي الفترة اللي فاتت

لحد ماشفته في رؤيه ان خرج وجيت اسلم عليه في البيت وكان لابس جلببه بيضاء

وتاني أخ كان في عمرة ورجع اتصل بمحمد وقاله شوفت الدكتور في رؤية انه خرج
وبلغه لما تشوفه اني مش قادر ونفسي اعد معه

تالت أخ ديه في الجون بيشتغل في السعودية عمل عمرة لوالدي وبعد كدا اعد يدعي كتير
وبرده شاف رؤية ان والدي خرج

بس انا استغربت من موضوع عمل العمرة ديه لكن سألت قالولي ان في حاجه اسمها عمرة الأسير

رابع واحد راجل بيصلي الفجر معنا كان دائما هو و والدي بيتمشوا بعد الفجر
ايضا شاف رؤية ان والدي رجع تأني بيصلي معاهم
وقالوه وحشتني

والدي قاله معلش كان بناخد شوية حسنات

والراجل ديه وصفلي والدي بعد ما اطلق اللحية اكنه شافه فعلا

خامس واحد صاحب محل في السيده والمحل بجوار العيادة وبردو شاف
رؤية ان والدي طلع و أول حاجة عملها لما طلع انه راح وسلم عليه

والدي الامس اخد الافراج الثاني من قرار الاعتقال واليوم هيترحل علي امن الدولة ويااااااااااارب يخرج

4 comments:

omar مشروع بطل said...

آمييييييييييييييين يا رب

_______________________

انت ليك رسالة عندى فى المدونة مهمة جدا جدا

بن توفيق said...

ياااااااااه

ان شاء الله كل هذة الرؤى تتحق .. ويخرج قريبا جدا

واولى البشائر ظهرت اليوم بخروج 6 من اخوان الجيزة .. ووصولهم البيت

ان شاء الله فى خلال الاسبوع ده هيكون فى بيته وانا اجيلكم ازوره واقابله

بس قووول يا رب

The Manager said...

هيخرج إن شاء الله بالسلامة

:)
ربنا يطمنا عليه

Anonymous said...

ربنا يبارك فى الدكتور وفى ابناءه البرره وفى اسرته الكبيره والصغيره وان يجعل اعتقاله فى ميزان حسناته وان يجعله دائما مثل اعلى للشباب امثالنا وان يجعله فى الجنه مع الشهداء والصدقين والانبياء .
انا حقيقى سعيد جدا جدا جدا واشعر ان والدى قد رجع لى مره ثانيه رغم ان والدى متوفى من سنوات طويله ولكنه الحب فى الله ودعواتى للدكتور جمال عبد السلام وللاخوه المعتقلين والمظلمين سواء كانوا اخوان مسلمين او مدافعين عن الحريات واخص الدكتور ايمن نور وطلعت السادات