اللهم فك قيد أسرنا

هذا الدعاء ظل علي لساني حتي يوم الجمعة المغرب بعد الزيارة بتعتنا لسجن المحكوم اللي كانت يوم الخميس
نبدأ الحكاية من الأول
كل مرة بروح فيها الزيارة لازم نقف بره حبة حلوين بمقدار دعاءنا علي اللي ظلم والدي وكل إخوانه
ثم في الزيارة وبعد السلامات والقبلات يبدأ كم من المخبرين في التصفيق الزيارة يا حضارات يلا يا دكتور كفاية كده يلا يا بش مهندس الباشا بيزعق علي كده كل مرة
بس هذه المرة كنت مخنوق كان فيه أخوة أول مرة أشوفها و حاسس أني أعرفها من زمان وقررت أني أعيش دور الأخ اللي بيرخم علي ظابط الحرس اللي في الكلية فكل ما المخبر يقولي الزيارة خلصت أقوله طيب بس أسلم علي الدكتور ده وأمشي علي طول ( د/ علاء محرم) أعتبره ملهمي في العمل مع الآخرين و بحبه جدااااااااا
ثم قلت للمخبر الدكتور ده كمان وكان (د/ محمد عبد العال) لم أره من قبل بس والله أحببته في الله وبلغني سلام لمجموعة من الأخوان كان عارفها قبل كده قلتله أعتبر سلمك وصل وهما كمان بيردوا السلام عليك ثم رأيت الأستاذ رضا فهمي وقد صار له معزة خاصة في البيت عندنا هو و أهله لأنهم كانوا من أوائل الاخوان اللي بلغونا ان والدي رجع سجن المحكوم ثاني ثم و طبعا والدي وعمي م/ عمر عبدالله اللي انا مش عارف اظبط معاد زيارتي مع ابنه احمد خالص رغم أننا بنقدر نظبط موعدنا في حاجات ثانية كتير
و علي السخان وأنا خارج تعرفت علي بتوع معهد شبرا وبرده حضننين دافيين من بتوع الإخوة علي بستين حلوين اظبط نفسي و في الأخر المخبر يقولي يعني ينفع كده قولت له لا والله ما ينفع حسبنا الله ونعم الوكيل
لكن ليه دعيت ان ربنا يفك أسرنا لأني والله رأيت كل الأخوة جوة يضحكوا وأيمانياتهم عالية وروحهم حلوة بجد كنت عايز اقعد معاهم شوية

رأيت هممهم أعلي من أسوار سجنهم
رأيت عزائمهم أقوي من قيودهم
رأيت أخوتهم أشد من خرسانة زنازينهم
رأيت فيهم نور يسعى بين أيديهم
رأيت صفوة صفوة المجتمع من الدكاترة والمهندسين وأساتذة الجامعات
وأنا خارج ظل ترن في أذني كلمات قرأتها من علي موقع أخوان اون لاين (انت جدران السجن ماذا دهاك يا وطن)
لذلك فك الله أسرنا من دنيا بتنافسها و ارتباطات تنسينا أخواتنا وظروف تحرمنا ملاقاة أحبابنا من الأخوان وخارج الأخوان لكي الله يا دماغي والله فعلا تعبنا وحسبنا الله ونعم الوكيل


في الأخر ربنا يفك أسرنا وأسرهم و اسر كل الاخوان وكل المظلومين




أخوكم الأسير في الدنيا
محمد جمال