نبأ فى النبأ

أنتظروا ردى باليل....

هو دة المعتقل!!!!

دى حاجة صغيرة منى لوالدى ومحمد بيظبط حاجات على الفوتوشوب وهينزلها إن شاء الله ...

http://www.4shared.com/file/13052122/13abb614/___.html

رساله(2)

رسالة 2
كلاكيت ثاني مرة
لما يفوز أي مصري بأي جائزة يقال الفرعون الصغير و يقال ابن الفراعنة ولو حقق احد حكامنا انتصار قوي زى مثلا تعديل الدستور علي غير رغبة الشعب وقلنا الفرعون الكبير (انزلو الناس علي قدر منازلهم ) كنا وحشين و السؤال لما نوصف حد ونقول عليه فرعون يبقي شخص كويس ولا وحش ؟؟؟ والدي... عودتنا بعد عودتك من كل سفر تحكي لنا اللي حصل معك من ساعة ما وصلتك للمحطة عشان تاخد تاكسي لحد لما ترجع البيت و عملت كده معانا يوم 28/2/2007 لما حكيت لنا عن السجن وكيف يتصرف معكم الناس هناك و أكيد الزيارة القادمة سوف تحكي لنا أحداث الأسبوعين الماضين و لكن أنا لا أقول الكلام ده عشان أصعب عليكم بقول الكلام ده لان يوم القيامة من سيحكم بيننا هو الله لا يشغله سمع عن سمع و لا بصر عن بصر مش لجنة محايدة و ألا كنا قولنا ممكن تتزور هيه كمان و كما قال لي احد أحب الأخوان إلي قلبي كل حاجة بتخلص لكن ما فيش حاجة بتنسي و يوم القيامة نفتكر الأوقات ده ونضحك أن شاء الله و اللي ظلم و اللي سرق فلوس حلال يفتكر الأوقات ديه و يبكي دم مع أول غمسة في النار أن شاء الله يسأله الله هل رأيت نعيما قط؟ يقول لا يارب و إحنا ورغم المحن المتلاحقة مع أول غمسة في الجنة نقول لم نري بؤسا قط وأخيرا اهنأ و الدي وكل مجموعة الأخوان المعتقلين معه أو قبله بان أنتم أول ناس يطبق عليكم تعديل المادة 179 قبل ما تعرض علي الاستفتاء الشعبي الأخوان متميزين في كل حاجة عشان كده هما أول ناس يجربوا القانون الجديد و أخيرا أقول لكل الحزانى والمكلومين (و نريد أن نمن علي الذين استضعفوا في الأرض و نجعلهم أئمة و نجعلهم الوارثين) وكما قال الشاعر
لكل شئ إذا ما تم نقصان فلا يرضي بطيب العيش إنسان
هي الحياة كما عهدتها دول من سرته زمان ساءته أزمان
(و تلك الأيام نداولها بين الناس ) وكما يقولون لو دامت لغيرك ما أتت لك وعصر الفراعنة انتهي و لن يعود لأنه غرق فرعون يعني محدش يفهمني صح الكلام ده لان والدي حصل علي براءة( امن الدولة) رفض( حقه) المحكمة قالت براءة ثاني راح امن الدولة أخوانا قالوا يومين و يطلع مكث يومين وعشرا وطلع برده بس بقرار اعتقال و رجع المحكوم مع الجنائيين مرة ثانية وهي ديه مصر التي تحترم القضاء و رجاله مثل عبد السلام جمعه عليه من الله ما يستحق أخير نرجو من كل زائر كتابة تعليقا لان تلك التعليقات دافعا لنا وللدكتور جمال أن شاء الله
محمد جمال

والدى رجع

(ألف مبروك)(ألف الف مبروك)(الحمد لله علي كدا)(والله فرحت من قلبي)

(ربنا يجعل الفترة اللي فاتت في ميزان حسنتكوا)

وغيرها من أشكال وأنواع التهانئ

ليه بقا كل دية أنا أقولك؟؟؟؟؟؟

يوم السبت علي الساعة 5 واحد اتصل بيا وقالي د/جمال رجع سجن المحكوم وأنا فرحت جدا وقلت الحمد لله ((أنا دماغي واجعاني)طبعا لو واحد طبيعي وعرف ان والده ذهب للسجن كان هيقول لا اله إلا الله

ان لله وان إليه لراجعون...............لكن أنا دماغي واجعاني

وقلت الحمد لله

المهم الظريف جدا ان اليوم وإحنا مستنين الزيارة في الاستراحة

القهوة اللي هناك مشغله بعض الأناشيد الحماسية الجهاديه

للمنشد عبد الحليم بن حافظ وكانت ضمن هذه الأناشيد

ظلمــــــــــــــــــــــــــــــــــــــــــــــــــوه

المهم والدي رجع

يلا الحمد لله

والدي بقاله 9ايام في امن الدولة وهتجنن مش عرفين عنه حاجه

والإخوة مش عارفين عنه حاجه والمحامين وبيقولوه ان القانون انتهي وإحنا دلوقتي دورنا انتهي حتي يخرج بالسلامة .........

وحسبنا الله ونعم الوكيل

ويقولوا عيشين في حرية....................سلامتك يا دماغي

أنا بس نفسي والدي يعرف اني الحمد لله جيبت جيد في النتيجة

ماده امتياز و4 جيد نفسي يطمئن بس

أنا دلوقتي نفسي والدي مش يخرج,, نفسي يروح سجن المحكوم

مع الجنائين ثاني أو بحلم إنهم يرحلوه علي سجن المزرعة

إيه اللي أنا بقوله دية—أنا شكلي؟؟؟ (ربنا يلطف)

سلامتك يا دماغي...................حسبنا الله ونعم الوكيل

مش هنسا قول الله تعالي

((ان الله يدافع عن الذين امنوا))

رسالةالي ابي

أولا أحب ان أعرفكم بنفسي

محمد جمال عبد السلام

من مواليد القاهرة 5/9/1984

حاصل علي بكالوريوس فنون تطبيقية قسم أثاث معدني

شاء لي القدر ان أكون الابن الأكبر لوالدي د/جمال عبد السلام فكان –ولا يزال وسيظل – الوالد الحنون فكثيرا كان يدور بيننا حوار يستمع إلي واستمع إليه وكثيرا جدا أتمسك بما أره أنا انه صواب فينهي النقاش قائلا لي وهو يبتسم- يا محمد أنت راسك ناشفة- .

والي أبي اكتب هذه الرسالة

1.بسم الله الرحمن الرحيم

الم (1)احسب الناس ان يتركوا ان يقولوا أمنا وهم لا يفتنون (2) ولقد فتن الذين من قبلهم فليعلمن الله الذين صدقوا وليعلمن الكاذبين).وبإذن الله تكون من الصادقين

رايتك يا أبي عظيما رايتك شامخا يوم العرض الثاني 28/2رغم قيودك رايتك تتحدث مع هذا و ذاك بنفس الروح الطيبة فالاعتقال زادك قوة وحق وثبات .

لذلك أعاهدك يا أبي علي ان ليس لي طريقا اسلكه في الحياة إلا نفس الطريق الذي سلكته أنت لقد رأيت يا أبي في حاضرك ما قد أراه في مستقبلي من ظلم و غطرسة ولكن هيهات هيهات ان اتركه أو أحيد عن ذلك الطريق الحق.

هنيئا لك لحب الناس الكل يسأل عنك ويدعوا لك فالإخوة من فلسطين يتصلون دائما ومن جميع الهيئات التي كنت تتعامل معها في مجال الاغاثه فحب الناس ليس من مصر فقط ولكن من جميع إنحاء العالم.

أحب ان أقول لك يأبى ان النظام الذي كنا نسير عليه وحضرتك معنا مازلنا نسير عليه

فسورة الكهف نقرأه كل يوم جمعه مع بعض

نجتمع يوميا علي الإفطار لنعرف أخبار بعض

الوتر قبل الفجر

وحشنا بس طبق السلطة اللي كنت بتعمله كل يوم جمعه

((يارب نأكل طبق سلطة من أيدك الجمعة الجمعة الجاية))

حاضر يا فندم

هذا ما قلته للدكتور عبد المنعم أبو الفتوح عندما...................
قابلته قدرا واحمد الله علي هذه المقابلة
الرائعة في دار الحكمة وتحدث معي
5او7دقائق اخبرني عن حال والدي
وقال لي أن جلوسه في امن الدولة هذه المدة أمر طبيعي وسيخرج علي البيت أو علي سجن المزرعة وقال لي إن الوضع في مصر سئ جدا وقال لي علينا بالدعاء وهنا قلت له يا دكتور بندعي بقلنا كتير قال لي علينا بالصبر في الدعاء فقلت له: حاضر يا فندم
الدكتور عبد المنعم أبو الفتوح عندما تنظر إليه وتسمع كلامهتشعر بكل كلامه انه يخرج من القلب.. بارك الله لنا فيه

شرفاء سجن المحكوم

فندق المحكوم خمس نجوم بطرة لاند

AL-MAHKOM HOTLE

5 STARS IN TURA LAND

يعلن عن غرف فارغة سوبر لوكس علي النيل مباشره وعن سويتات للرجال الأعمال مريحة جدا

للراغبين عليهم إبلاغ إدارة الفندق المختصة بالحجز وهي -امن الدولة-أو إظهار مظهر من مظاهر الفساد في البلاد أو تقول انك ضد التوريث أو تفتح شركه وتشغلها صح وتعامل الناس آلي فيها كويس او يكون عندك شويه كتب زى الظلال أو الرسائل لإمام الشهيد حسن البنا

وصدقني مش هتقدر تفتح عينيك
ومش هتقدر تعد هناك

فعليك بالصبر وتذكر قول الرسول -صلي الله عليه وسلم-
في خطبه أحد قبل الغزوة
(لكم النصر ما صبرتم)

والدي جلس في هذا السجن 15 يوم ثم تم التجديد له مرة أخري وفي ال15 التنين تم عمل استشكال واخذ إخلاء سبيل فقامت النيابة باستئناف الحكم فاخذ إخلاء سبيل مرة أخري ولكـــــــــــــــــــــن
قام الجهاز البلطجي امن الدولة باعتقال والدي وهو ألان في امن الدولة منذ أسبوع ولا نعلم عنه شئ ....واااه يا دماغي ..سلامتك

هذه الصور في محكمة جنوب القاهرة

الترحيل إلي سجن المحكوم بطره ولم يصدر القرار بعد
يوم الأربعاء 28/2/2007 لقضي 15يوم تانين

خدوم رغم القيود عسكري يشكتي له من وجع في ركبتيه
ويصف له العلاج-(والدي كان يذكرني دائما بقول الرسول :من ادخل السرور علي قلب رجل مسلم لم يكن له جزاء إلا الجنة.)












الأستاذ محمد بلتاجي –مدير مكتب النائب الأستاذ علي فتح الباب—يحضن إسراء وعبد الرحمن رغم تلك الكلبشات الحقيرة وحسبنا الله ونعم الوكيل ....وسلامتك يا دماغي

المهندس /عمر عبدا لله الأمين العام لمهندسين ضد الحراسة رجل محترم
وقبل إن يقبض عليه كان واقف أمام
نقابه المهندسين ينادي بحقوق المهندسين وحسبنا الله ونعم الوكيل وسلامتك يا دماغي

الدكتور/ عمرو الحريشي
استشاري أمراض نساء والتوليد
ويعمل في مستشفي الفاروق وهي مستشفي خيري في المعادي ولديه عيادة في السيدة زينب مع العلم انه حاصل علي الزمالة من بريطانيا ولكنه رجل خدوم من الطراز الأول
يخدم تلك الطبقة التي نساها النظام الحاكم (اني احبك في الله)

وهما دول اللي قعدين في تلك السجن الحقير مع اللي قاتل واللي سارق وحسبنا الله ونعم الوكيل............ وسلامتك يا دماغي