Monday, March 26, 2007

رساله(2)


رسالة 2
كلاكيت ثاني مرة
لما يفوز أي مصري بأي جائزة يقال الفرعون الصغير و يقال ابن الفراعنة ولو حقق احد حكامنا انتصار قوي زى مثلا تعديل الدستور علي غير رغبة الشعب وقلنا الفرعون الكبير (انزلو الناس علي قدر منازلهم ) كنا وحشين و السؤال لما نوصف حد ونقول عليه فرعون يبقي شخص كويس ولا وحش ؟؟؟ والدي... عودتنا بعد عودتك من كل سفر تحكي لنا اللي حصل معك من ساعة ما وصلتك للمحطة عشان تاخد تاكسي لحد لما ترجع البيت و عملت كده معانا يوم 28/2/2007 لما حكيت لنا عن السجن وكيف يتصرف معكم الناس هناك و أكيد الزيارة القادمة سوف تحكي لنا أحداث الأسبوعين الماضين و لكن أنا لا أقول الكلام ده عشان أصعب عليكم بقول الكلام ده لان يوم القيامة من سيحكم بيننا هو الله لا يشغله سمع عن سمع و لا بصر عن بصر مش لجنة محايدة و ألا كنا قولنا ممكن تتزور هيه كمان و كما قال لي احد أحب الأخوان إلي قلبي كل حاجة بتخلص لكن ما فيش حاجة بتنسي و يوم القيامة نفتكر الأوقات ده ونضحك أن شاء الله و اللي ظلم و اللي سرق فلوس حلال يفتكر الأوقات ديه و يبكي دم مع أول غمسة في النار أن شاء الله يسأله الله هل رأيت نعيما قط؟ يقول لا يارب و إحنا ورغم المحن المتلاحقة مع أول غمسة في الجنة نقول لم نري بؤسا قط وأخيرا اهنأ و الدي وكل مجموعة الأخوان المعتقلين معه أو قبله بان أنتم أول ناس يطبق عليكم تعديل المادة 179 قبل ما تعرض علي الاستفتاء الشعبي الأخوان متميزين في كل حاجة عشان كده هما أول ناس يجربوا القانون الجديد و أخيرا أقول لكل الحزانى والمكلومين (و نريد أن نمن علي الذين استضعفوا في الأرض و نجعلهم أئمة و نجعلهم الوارثين) وكما قال الشاعر
لكل شئ إذا ما تم نقصان فلا يرضي بطيب العيش إنسان
هي الحياة كما عهدتها دول من سرته زمان ساءته أزمان
(و تلك الأيام نداولها بين الناس ) وكما يقولون لو دامت لغيرك ما أتت لك وعصر الفراعنة انتهي و لن يعود لأنه غرق فرعون يعني محدش يفهمني صح الكلام ده لان والدي حصل علي براءة( امن الدولة) رفض( حقه) المحكمة قالت براءة ثاني راح امن الدولة أخوانا قالوا يومين و يطلع مكث يومين وعشرا وطلع برده بس بقرار اعتقال و رجع المحكوم مع الجنائيين مرة ثانية وهي ديه مصر التي تحترم القضاء و رجاله مثل عبد السلام جمعه عليه من الله ما يستحق أخير نرجو من كل زائر كتابة تعليقا لان تلك التعليقات دافعا لنا وللدكتور جمال أن شاء الله
محمد جمال

7 comments:

Anonymous said...

سلامة دماغك يا محمد
انت نسيت ولا ايه
!!!!!!!!!انت فى مصر
وياعم مش عمو جمال لوحده اول من يطبق عليه الدستور الجديد ابى كمان وكل الشرفاء اول من طبق عليهم هذا الشئ اللى اسمه دستور
بس الحمد لله انكم اطمأننتم على الدكتور وما تقلقش ده فى حماية الحكومة حمياهم من كل سووووووووووء
وان شاء الله يروح المزرعة او ياخد افراج على طول
ان بعد العسر يسرا
وسلملى جامد اوى على الدكتور وعلى عمر
مصطفى عصام
سلام عليكم

elfagreya said...

سلام عليكم,,

أولا.وأول ما يبادر ذهنى من كلمات "يزول الالم ويبقى الاجر0"
مهما كان الالم ..يزول
ومهما طال..يزول أيضا
و المهم اخلاص النوايا وصدق العزائم

ثانيا
شعور طاغى بالظلم عندما نرى احكاما قضائية وقرارات بالافراج وكأن لم تكن ولكن ما هو الطبيعى فى بلادنا لكى نستغرب؟؟
ثالثالنجعل من ذلك طاقة تحركنا..ففرج الله اقرب مما نتصور..اما هم فليتذكروا وجوه أبائنا جيدا ووجوهنا ووجوه كل اخ وأخت وكل مصرى منتقص حقه..يتذكروها جيدا لاننا سنتقابل ثانية امام اله عادل وساعتها يعلم الذين ظلموا اى منقلب ينقلبون

Anonymous said...

السلام عليكم:
الحمد لله اننا اطمنا علي عمي جمال و انشاء الله قريبا نصر الله

محمد جمال said...

اخواني جزاكم الله خيرا علي التواصل معنا و انا فاهم الكلام اللي انتم قلته و يمكن اكون قلت كلام يحمل نفس المعني في رسالتي بس الانا عايز اوضحه ان الاحساس بالقهر و الظلم ده دافع الي 3امور 1 نكره البلد و اللي فيها ونمشي ونسافر وننتحر المهم نخلص من وجهم 2 نحبط ونيأس و نجلس جانب الحوائط نبكي علي احلام كنا عيشين لها3 ان احنا نقول الضربة التي لا تقسم ظهرك تقويكو نستمر في العمل رغم كيد الحاقدينوكما قال الشاعر
و نفس الشريف لها غايتان
ورود المنايا ونيل المني
و اما حياة تسر الصغير
و اما ممات يغيظ العدا

محمد جمال said...

طبعا انا هختار الحل الثالث لحسن حد يقول دماغه نتوجعه اوي كده لا لازال رغم العدوان بنا بقية من عقل ولسوف نستمر في دعوتنا ومنهج نبينا حتي يظهره الله او نهلك دونه ور بنا يعنا و يرزقنا الاخلاص في القول والعمل والسر و العلن

Anonymous said...

السلام عليكم ورحمة الله وبركاته
رغم اني اتألم لما يحدث للدكتور جمال لكن هذا هو طريق الأنبياء طريق من يسير فيه عودي
لعل الله يتقبل ما يعاني الدكتور جمال وينزل علي قلبه السكينة ويجع سالما لأسرته الصغيرة و أسرته الكبيرة
ولكل من مسح الدكتور جمال دمعته فهنيئا آل رضوان موعدكم انشاءالله الجنة

Anonymous said...

السلام عليكم أخوكم محمد نصر،أخوتى فى الله محمد جمال،عمرجمال: أقول لكم جزاكم الله خيرا على هذا الوفاء وادعوا الله عز وجل أن يثبتكم ويهون عليكم افراد الاسرة كلها وان يثبتكم ان شاء الله على نفس طريق والدكم (طريق طرة اسف اقصد طريق الشرف والعمل لدين الله عز وجل وعزة الاسلام وعزة هذا الوطن)واختم بقول الله عز وجل : (وما لنا ألا نتوكل على الله وقد هدانا سبلنا ولنصبرن على ما أذيتمونا وعلى الله فليتوكل المتوكلون) والسلام عليكم ورحمة الله وبركاته