سلامتك يا رجلي

ااااااااااه رجلي يا وجعاني

هقول اصبر

يوم الخميس كنا في زيارة لاعظم سجن في مصر سجن المحكوم وطبعا لان الاخوان ليهم معامله خاصة

الاخوان يدخلوا الاخر فطبعا بنروح علي الساعه 11 وندخل علي الساعه 1 او 1 ونص ولكن يوم الخميس كان زحمه جدا لان يوم الاربعاء كان اجازة والسجن في اجازة فكل الناس اللي زيارتهم يوم الاربعاء جم يوم الخميس

وعينك متشوف الا النور

فضلنا وقفين من الساعة 11 حتي 4 ونص حتي دخلنا الزياره

لكـــــــــــــــــــــن برده بحب اشكر

كل الناس اللي جمعتنا واي واحد كان ليه دور صغير او كبير

اتعرفنا علي ولاد الحج جمال العشري

اسامه و انس واحمد الذي امتعنا بالنكت والفوازير

ومحمود ابن دكتور علاء محرم وطبعا احمد عمر عبد الله لالالالا احمد جمال عبد الله

بس طبعا الواحد كان مخنوق جدا من تعب الاخوات والاطفال الرضع كان يوم صعب جدا لدرجة ان الاخوات قعدوا علي الرصيف من شدة التعب

وطبعا زي ماقلت قبل كدا بحب اشكر كل اللي كان السبب في موضوع الاعتقال

واشكرهم واقول لهم

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

التوريث وصل للاخوان

هو ديه التوريث بجد اللي ناخد عليه ثواب
م/عمرعبدالله و د/جمال عبد السلام هما الاثنين من ابناء السيده زينب و والدي كان قلي مرة ان م/ عمر عبدا لله من أول الأخوة اللي تعرف عليهم في السيده زينب ودائما كانوا يصلوا الجمعة في السلطان حسن عند المفتي الشيخ علي جمعة
وهنا جاء دور التوريث
هو تعرفي انا ومحمد علي أحمد عمر عبد الله من خلال مقابلة والدي للعمو عمر عبدالله في الصلاة وكان مجرد سلام باليد
لكن بعد الاعتقال أتعرفنا اكتر علي احمد عمر عبد الله
وبقت صحوبية سجن .. نروح الزيارات مع بعض ونتقابل هناك
ونستنى ميعاد الزيارة مع بعض وكده
وتم التوريث .. توريث
روح الإخوة والحب في الله
التي انتقلت من الاباء إلي الأبناء
وأحب اشكر كل من كان له دور كبير او صغير في القبض علي والدي وعمو عمر عبد الله من أول المخبرين حتي اللي صدر أمر الاعتقال والحمد لله خلانا نتعرف اكتر علي أحمد عمر عبد الله
...وطبعا أي واحد هيقرأ الموضوع هيقول عمر أتجنن او هتقول يا لطيف برج من مخه فرقع
لـــــــــــــــــــــــــــــــــــــــــكن
هذا وجع اعتقال أبي و وجع المذاكرة
وسلامتك يا دماغي

بانجو وقرش حشيش

والله موضوع يكسف ومكنتش عاوز اكتبه بس قلت اخلي الناس يقولوا معاي سلامتك يا دماغي
يوم الخميس كنا في زيارة وتم التفتيش وبعد كده و إحنا قاعدين مستنين لما ندخل

بتوع المباحث جم يفتشوا واحده لقوا معاه بانجوا كتير جدا مخبياه في مناديل

وفكان من ظابط المباحث انه صادر البانجو و لاغي للست ديه الزيارة ولكن أختها تدخل تزور عادي

وتخيلو لما الست تكون شيله بانجوا بالكمية ديه يبقي الراجل كان شكله إيه؟؟؟؟

السجن ده في 45 أخ تخيلوا ..... فعلا تعذيب نفسي رهيب وإهانه لدرجه عالية ... وحسبنا الله ونعم الوكيل

اما قرش الحشيش
فكان في مستشفي الخليفة لما ظابط امن الدوله راح عشان ياخد بابا من المستشفي

وكان ساعتها نبتشي .. فالراجل بتاع الأمن أول لما شاف ظابط امن الدولة ومعه المخبرين وبتوع المباحث والجنود البواسل
الأمن المركزي قاله يا باشا انا معيش غير قرش واحد حشيش
ظابط امن الدولة قاله انا عاوز دكتور جمال
وهي ديه مصر الظلم فيها من أيام

سيدنا يوسف
ولكن الحمد لله الواحد شاف حاجات واتعلم حاجات وشاف مجتمعات كان يسمع عنها فقط

وسلامتك يا دماغي

الشهيد و المعتقل

الشهيد و المعتقل,,,

كنت أفكر في ذكري استشهاد الدكتور عبد العزيز الرنتيسي اني اعمل تدوينة جديدة بس لأن المدونة فقط عن الوالد ولا يجوز التعبير عن أي أفكار خاصة عليها لأنها خاصة بالوالد كان لزاما علي أيجاد وسيلة أجمع فيها بين الحدثين فأخذت أقلب في صور والدي أتذكره و أسأل الله له الثبات و ان أكمل المسير خلفه وجد تلك الصورة التي حقا أفخر بها وبأبي

هذه الصور في مخيم مرج الزهور بلبنان فبراير 1993

أبي د/ جمال أقصي اليسار ثم د/ عبد العزيز الرنتيسي في الوسط ثم د/ عزيز الدويك أقصي اليمين

رحم الله د/ الرنتيسي و ثبت أبي و د/ الدويك و فك أسرهما

امييييييييييييييييييييييييييييييين

وطبعا يا دماغي ....

أنا تعبان أقولك سلامتك

هتٌفرج... هٌتفرج

- رساله 3 -

السلام عليكم ؛؛؛؛
حقيقة لم أستطيع عمل فيلم كما و عدكم عمر في مدونة سابقة و لان عمر كان قد أعطاني مهلت أقصاها الجمعة 6/4 ولكن لضغط الوقت تم تأجيل العمل بعد عدة وساطات من قيادات العمل الإسلامي في البيت عندنا و كانت المهلة 3 أيام أخري أي الاثنين 9/4 كان لزاما علي ان أقوم بعمل أي شئ و ربنا يرزقنا الإخلاص و يبارك في إعمالنا المتواضعة لإبائنا المعتقلين.

و بداية اعرض عليكم صورة واحدة فقط عن مجهود والدي في حوار الفتنة الطائفية و ادع المجال لأي صاحب عقل ليحكم...

إيه ريكم فعلا ممكن يكون بيحرض علي الفتنة الطائفية
معلش يا دماغي أنتي أكيد زاهقتي من كلمة سلامتتتتتتتتتتك
الأن بعض من مجهود والدي د/ جمال عبد السلام
الصور اللي جاية كان والدي ممثل لجامعة الدول العربية و مصر في الدول اللي سافر لها و إليكم بعض تلك الصور و لكم أيضا حرية التعليق و التفكير إلي أين يذهبون بحبيبتنا مصر..
نبدأ من

الصومال

والدي في مطار مقديشو ( عاصمة الصومال) عام 1993الثاني من اليمين

ثم

مرة أخري في الصومال بالتعاون مع جامعة الدول العربية عام 2007
الصورة دي كانت قبل الاعتقال ب36 يوم التاريخ 8/1/2007وممثل لشعب مصر طبعا يا دماغي أنتي عارفة انا عايز أقولك إيه...

العراق

د/جمال عبد السلام في العراق قبل الحرب مباشرة في مؤتمر اتحاد المنظمات غير الحكومية ..

السودان

والدي في السودان في خدمة أطفال دارفور و أرجو من زائر المدونة ملاحظة السعادة علي وجه الأطفال.
و حسبنا الله و نعم الوكيل...

طبعا الصورة دي غير اللي فوق لان اللي فوق كانت تعاون اتحاد الاطباء العرب مع هيئة الإغاثة الإسلامية و الثانية تعاون اتحاد الاطباء العرب مع
جامعة الدول العربية يعني راح كتير و كمان منفتحين ويتعامل مع كل جهة يقدر معها يساعد الناس و يوصل الخير ....

إيران

في مستشفي بن سينا 1/1/2004في طهران
دكتور ويزور المستشفي يعني ولا حرس ثوري
ولا يحزنون بسبب زلزال بام

لبنان

د/جمال عبد السلام في لبنان أثناء الحرب الأخيرة وكان وفد الاتحاد هو أول الوفود العربية والطبية التي و صلت بيروت و ربنا يجعلها في موازين حسناته و حسنات إخوانه اللي معه...

جرح الأمة الدامي ونزيفها ورمز صحوة أبناءها

فلسـطــيـن

الصور اللي جاية بعض مشروعات ساهم الاتحاد أو قام ببنائها في فلسطين

مستشفي في بني سهيلا خان يونس

مجلس إدارة احد المستشفيات التي قام الاتحاد بالمساهمة في بنائها

و عاطفة الإخوة عند قبر الشهيدين

أحمد يس و عبد العزيز الرنتيسي

صورة الوفد الذي زار غزة في احدي المستوطنات التي تم تدميرها عن طريق أنفاق أبناء القسام

والدي يقدم تقرير عن زيارته لفلسطين بعد العودة من هناك

ألان بعض صور المؤتمرات التي قام والدي بتنظيمها أو المشاركة في الإعداد لها و لاحظ معي التواريخ لتعلم كم الأعمال التي قدمها د/ جمال في خدمة الأمة و الوطن
و اسمحوا لي لن اكتب تعليق تحت الصور نظرا لأنها ابلغ من القول

إكمالاً للعنوان (نصرة ضحايا مذبحة الحرم الإبراهيمي) 1994

مؤتمر بحضور أم نضال فرحات ( عمل ضجة كبيرة أوي في وسط الإخوة و الأخوات) ربنا يجعلها في ميزان حسنات الوالد ( ربنا يفك أسره) قريبا يارب

توقيع وثيقة التعاون في أعادة أعمار المسجد الاقصي

(أبي هم و رغم قيدك يعيدون أعماره و أنت لست محروم من الثواب أن شاء الله ومن الأكيد عند الانتهاء من تنفيذ بنود الاتفاق ستكون هناك في المسجد الاقصي المبارك فرحا بنصر الله مستبشرا بعاجل بشري المؤمن)

No comment ???

(مع الأستاذ إسماعيل هنية رئيس وزراء فلسطين (الله أكبر و لله الحمد

(مع الأستاذ خالد مشعل رئيس المكتب السياسي لحركة المقاومة الإسلامية (حماس) و برده (الله أكبر و لله الحمد

وفد الاتحاد الاطباء العرب مع السيد عمرو موسي (أمين عام جامعة الدول العربية) بعد العودة من السودان

الوفد أثناء الاجتماع مع السيد عمرو موسي

والدي مع أسرة الطفلة هدي غالية التي فقدت أهلها علي شواطئ غزة في أثر قذيفة صهيونية

: الصور القادمة من العمل النقابي

أقرأ ما أعلي الصورة جيدا ثم ركز علي اللي جاية

الزائر الكريم ... الصورة الأولي كانت الحفل الخامس و الثانية الخامس عشر انظر فرق التاريخ

ملاحظة **

( اللي والدي واقف علي يمينه في الصورة الثانية هو د/ عصام عبد المحسن المحال للمحكمة العسكرية حاليا مع المهندس خيرت الشاطر)

أخيرا و ليس أخر

الآن والدي في سجن المحكوم مع الجنائين بعد ما أخذ حكمين براءة و أخلاء سبيل
في طريقة للمعتقل 28/2/2007

: أخيرا أوضح عدة نقاط

كنت بكتب والدي في أغلب التعليقات نعم لأن المدونة للدفاع عن والدي بصفته الشخصية مش د/ جمال بصفته الوظيفية

2.والدي كان صحيح ويتصور لكن كان في فريق كبير من الأفراد اللي بيحبوا دينهم و بلدهم زى والدي ويمكن أكثر بداية من د/ عبد المنعم أبو الفتوح رئيس اتحاد الاطباء العرب ورئيس والدي المباشر في العمل إلي اصغر موظف في الاتحاد فلكل هؤلاء أوجه الشكر و كامل الاحترام جعل الله جهودكم في موازين حسناتكم.

3.أطالب جامعة الدول العربية و التي كان والدي ممثلا لها في أغلب سفرياته بالعمل علي الإفراج عن والدي.

4.و كذلك نقابة أطباء مصر و القاهرة لأنه عضو بهم و كذلك عضو مجلس نقابة أطباء القاهرة.

5.أرجو كتابة التعليقات علي مهزلة فزع الدولة

أخيرا بجد هذه المرة صورة لأحبائي من الأخوان

" قبر الشهيد " أحمد ياسين

قبر الشهيد د/ عبد العزيز الرنتيسي

من أخوكم: محـمد جمــال

فى راديو BBC

محمد انهاردا هيكون فى راديو

BBC

الساعة 5:10

فى برنامج نقطة حوار

فى موضوع استخدام المسجد كمنبر سياسى

تكريم النقابة

محمد جمال ومصطفي عصام عبد المحسن ومعهم
شهادات التقدير من النقابة

معتقل بتكرم

إن شاء الله يوم الجمعة 6/4/2007تقوم نقاية أطباء القاهرة

بتكريم كلا من الطبيبين (أعضاء مجلس نقابة أطباء القاهرة) وهم

أ.د.عصام عبد المحسن

أستاذ الكيمياء الحيوية بكلية الطب جامعة الأزهر وأمين الصندوق المساعد لنقابة أطباء القاهرة
ومقرِّر اللجنة العلمية بالكلية، وعضو الجمعية المصرية لمكافحة العدوَى.

د/جمال عبد السلام

مدير لجنة الإغاثة والطوارئ باتحاد الأطباء العرب

والامين المساعد لنقابة أطباء القاهرةوأمين الصندوق للجميعة الطبية الإسلامية

الساعة السابعة مساء بدار الحكمة

معتقل وبيتكرم

سلامتك يا دماغي

عصابة امن الدولة

انا مش عارف
لما واحد يأخذ إخلاء سبيل مرتين وبعد كدا المفروض يروح السجن يأخذ حاجته وبعد كدا يروح علي البيت ؟؟؟؟؟؟؟؟؟؟؟؟؟؟؟؟
لكن راح مكان مجهول مع امن الدولة وقعد فيه 13 يوم
قعد لوحده ( انفرادي ) تخيلوا كدا واحد يقعد 13 يوم لوحده في غرفة
لا يدخلها الشمس
يقعد بملابسه 13 يوم لايغير منها شي......
انا بقا مش عارف اللي خد والدي
امن الدولة ولا عصابة ؟؟؟؟؟
الاثنين...عصابة امن الدولة...