Tuesday, April 24, 2007

بانجو وقرش حشيش

والله موضوع يكسف ومكنتش عاوز اكتبه بس قلت اخلي الناس يقولوا معاي سلامتك يا دماغي
يوم الخميس كنا في زيارة وتم التفتيش وبعد كده و إحنا قاعدين مستنين لما ندخل
بتوع المباحث جم يفتشوا واحده لقوا معاه بانجوا كتير جدا مخبياه في مناديل
وفكان من ظابط المباحث انه صادر البانجو و لاغي للست ديه الزيارة ولكن أختها تدخل تزور عادي
وتخيلو لما الست تكون شيله بانجوا بالكمية ديه يبقي الراجل كان شكله إيه؟؟؟؟

السجن ده في 45 أخ تخيلوا ..... فعلا تعذيب نفسي رهيب وإهانه لدرجه عالية ... وحسبنا الله ونعم الوكيل

اما قرش الحشيش
فكان في مستشفي الخليفة لما ظابط امن الدوله راح عشان ياخد بابا من المستشفي
وكان ساعتها نبتشي .. فالراجل بتاع الأمن أول لما شاف ظابط امن الدولة ومعه المخبرين وبتوع المباحث والجنود البواسل
الأمن المركزي قاله يا باشا انا معيش غير قرش واحد حشيش
ظابط امن الدولة قاله انا عاوز دكتور جمال
وهي ديه مصر الظلم فيها من أيام
سيدنا يوسف
ولكن الحمد لله الواحد شاف حاجات واتعلم حاجات وشاف مجتمعات كان يسمع عنها فقط
وسلامتك يا دماغي

3 comments:

elfagreya said...

سجن المحكوم..هذا المكان الذى تفتقد فيه أقل الحقوق ليس حقوق السجين السياسى (اللى المفروض يكون متميز شوية)ولكن حتى أدنى الحقوق البشرية..

بس الأجر على قدر المشقة..ربنا يثبتكم ويعينكم

أما عن موضوع المخدرات فقد قص على أبى انه بليل كان يستيقظ أحيانا على صوت أحدهم بعد أن تناول ما يكفيه منها..فيمسعه الاخوة وهو يردد:"فلان بيمسى على اللى صاحى واللى نايم..وحتى اللى نايم نصحيه"ويفضل يعلى فى صوته حتى يصحو جميع النائمين فعلا..هوه مكان المخدرات فيه ليها مكانة كبيرة أوى
ربنا يخرجهم منه على خير

سلامنا لعمو ولهم جميعا

محمد جمال said...

الاخت الفجرية
جزاك الله خير علي التعليق و الزيارة
بس هيه دي مصر مبارك أن يصبح أقصي حلم للمعارض السياسي سجن متميز شوية عارفة متميز أزاي متميز بحراسة زيادة و خلاسة أزيد وحسبنا الله ونعم الوكيل

Omar Abdalla said...

إنتوا قالقانين ليه
كله في الميزان
حد يطول
وكلللللللللللللللللله في ال أخره
للصابر ثواب و جنه إن شاء الله
و للظالم ظلمات و نار و دا أكيد إن شاء الله